Ռուսաստանի նախագահ Վլադիմիր Պուտինին առանձնապես չի հետաքրքրում Արևմուտքի կարծիքն իր մասին: Այսպիսի ենթադրություն, հիմնվելով իր դիտարկումների վրա, առաջ է քաշել Կանադայի վարչապետ Ջասթին Թրյուդոն՝ մեկնաբանելով ԱՄՆ նախագահ Ջո Բայդենի վերջերս արված հայտարարությունը Ռուսաստանի ղեկավարի մասին:
«Ես մի քանի խոսակցություն եմ ունեցել Պուտինի հետ, և, իմ զգացողությամբ, նա կարող է ցանկացած պահի նայել քեզ և ասել այն, ինչ իրեն է հարմար: Նրան առանձնապես չի հետաքրքրում, թե ինչ են մտածում իր մասին Արևմուտքը և Կանադան»,-ասել է Թրյուդոն:
