Նիկոլ Փաշինյան, որոշեցիր Վահան Քերոբյանից հետ չմնալ տնտեսության վերաբերյալ անհեթեթ հայտարարություններով: Նախ, որևէ թիվ ամպագոռգոռ հայտարարելուց առաջ պետք է ունենալ այդ թիվը, ինչպե՞ս կարող ես եռամսյակ ամփոփել այն դեպքում, երբ վիճակագրական վարչությունն ապրիլի 25-26-ին նոր ամփոփում կտա, հարկատուների մասով առավել ևս անիրատեսական է ամփոփում անել ապրիլի 1-ին, երբ կազմակերպությունները ոչ եռամսյակային, ոչ էլ ամսական հաշվետվություններ դեռ չեն ներկայացրել, նույնիսկ եթե ՊԵԿ-ի ձեռքի տակ այս պահին եղած թղթերով նայվի, միևնույն է, դա շատ քիչ է որևէ տվյալ ասելու համար:
Հաջորդը՝ նույնիսկ, եթե լինեին այդ տվյալները, վերցրել համեմատում ես նախորդ տարվա հետ, երբ գրեթե կես ամիս տնտեսական պարալիզացված վիճակ էր՝ մարտի 16-ից լոքդաուն էր, ու հայտարարում, թե աճ է եղել:
Հերթական անգամ հորդորում եմ չանել անգրագետ հայտարարություններ տնտեսական թվերի վերաբերյալ:
Գիտեմ, որ դու ստի ու կեղծիքի մեծ վարպետ ես, այսուհետ ինչ անհեթեթ,սուտ բան ասես տնտեսության մասին, արձագանքը տեղում փաստերով ստանալու ես, մինչև դուրս կշպրտենք քեզ զավթածդ աթոռից:
Անի Հովհաննիսյան