Բելառուսի ՊԱԿ-ը նախագահի նախկին թեկնածու Սվետլանա Տիխանովսկայային ներառել է ահաբեկչական գործողություններում ներգրավված անձանց ու կազմակերպությունների ցուցակում:
Ցուցակը համալրվել է 18 անուններով: Տիխանովսկայայից բացի, ցուցակում, մասնավորապես, ներառված է Բելառուսի մշակույթի նախկին նախարար Պավել Լատուշկոն:
Նշվում է, որ մարտի վերջին քրեական գործ է հարուցվել Տիխանովսկայայի դեմ՝ ահաբեկչություն նախապատրաստելու դեպքի առթիվ:
Գլխավոր դատախազի խոսքերով, նախագահի նախկին թեկնածուն և այլ ընդդիմադիրներ փորձել են պայթյուններ և հրկիզումներ կազմակերպել Մինսկում և այլ քաղաքներում: