Այսօր մենք մեր օրինակով ցույց ենք տալու բոլոր հայ տղամարդկանց, որ կարևոր է այս պահին լինել վճռական, մենք մեր օրինակով ցույց ենք տալու, որ որևէ պաշտոն, աշխատավարձ, գումար չի կարող ավելին լինել, քան՝ արժանապատվությունն ու ինքնասիրությունը: Այս մասին ՎԵՏՕ շարժման նախաձեռնած կանանց երթի ժամանակ հայտարարեց շարժման նախաձեռնող խմբի անդամ Անի Հովհաննիսյանը:
Հովհաննիսյանը դիմեց նաև ոստիկաններին՝ նշելով՝ եթե փորձ արվի բերման ենթարկել կանանց, խոչընդոտել նրանց գործողություններին, ոստիկաններն իրենք իրենց չեն ներելու:
Այս պահին ակցիայի մասնակիցները շարժվում են դեպի կառավարություն՝ պահանջելու Նիկոլ Փաշինյանի հրաժարականը:
