Այսօր հետկորոնավիրուսային համախտանիշի նույնացումը և դրա ճիշտ բուժումը պակաս կարևոր չէ, քան հենց կորոնավիրուսի բուժումը: Այս մասին kp.ru-ին տված հարցազրույցում ասել է սրտաբան, Ռուսաստանի գիտությունների ակադեմիայի անդամ, բժշկական գիտությունների դոկտոր և պրոֆեսոր Սիմոն Մացկեպլիշվիլին:
Նրա խոսքերով, կորոնավիրուսով վարակված և ապաքինված պացիենտները հաճախ բողոքում են, որ իրենց լիովին առողջ չեն զգում:
«Ինչ-որ մեկն ունի քնի խանգարումներ, ոմանք ունեն գլխացավեր կամ մկանային ցավեր, մեծ թվով առիթմիա և սրտանոթային խանգարումներ, իսկ ոմանք ունեն ստամոքս-աղիքային խնդիրներ: Այսպիսով, հետկորոնավիրուսային համախտանիշը ներառում է ախտանիշների շատ լայն շրջանակ, որոնք կարծես թե իրար հետ կապ չունեն»,-զգուշացրել է փորձագետը:
Մացկեպլիշվիլին ավելացրել է, որ կորոնավիրուսից բուժված մարդկանց 80%-ը չեն վերադառնում առողջության այն մակարդակին, որն ունեցել են հիվանդությունից առաջ. Նրանց անհրաժեշտ է աստիճանական ապաքինում․ «Որքան հեշտ են ապաքինվում, այնքան երկար է տևում հետկորոնավիրուսային սինդրոմը»,-հավելել է փորձագետը:
