2018 թվականին ամենակարևոր բանն ինձ համար, որը փոխվեց, հույսի վերականգնում էր ապագայի հանդեպ, 2020 թվականին այդ հույսը մեռավ՝ տարբեր պատճառներով: Այս մասին խորհրդարանում հայտարարեց Մխիթար Հայրապետյանը:
«Մեր ու արտահերթ խորհրդարանական ընտրություններից հետո նոր իշխանությունների խնդիրը լինելու է այդ հույսի վերականգնումն ապագայի հանդեպ: Բայց թույլ տվեք պնդում անել, որ ապագա ունենալ-չունենալու հարցի պատասխանն արդեն իսկ տրվել է: Դա տվել են 44 օրյա պատերազմում ընկած, վիրավորված ու մեր կողքին գտնվող հերոսները: Նրանք դա արել են հանուն Հայաստանի ու Արցախի ապագայի: Մենք չենք որոշելու՝ Հայաստանն ապագա ունի, թե՝ ոչ: Մենք պետք է իրականացնենք այն նպատակն ու երազանքը, որի համար նրանք կռվել են, ընկել են, վիրավորվել են: Սա է յուրաքանչյուր հայ մարդու առաքելությունը»,-ասաց նա: