ԱՄՆ նախկին նախագահ Դոնալդ Թրամփը Fox News-ին պատմել է Ռուսաստանի նախագահ Վլադիմիր Պուտինի հետ իր հարաբերությունների մասին և խոստովանել փոխադարձ համակրանքի առկայությունը:
«Ես շատ լավ էի հասկանում նախագահ Պուտինին, նա ինձ դուր էր գալիս, իսկ ես դուր էի գալիս նրան»,-ասել է Թրամփը՝ նշելով, որ դա լավ էր, ոչ թե վատ:
Ըստ նրա, դա նպաստել է երկրների միջև հարաբերությունների ամրապնդմանը, ինչպես նաև դրդել է նոր գործարքների կնքմանը: Թրամփը հավաստիացրել է, որ ինքը միշտ հանդես է եկել Ռուսաստանի հետ հարաբերությունների կարգավորման օգտին:
