Հստակ է, որ տեղի է ունեցել օրենքի խախտում, և ես ակնկալում եմ, որ Հանրապետության իրավապահ մարմինները շատ հստակ ու կոշտ կերպով կարձագանքեն: Այս մասին Սյունիքի մարզպետարանում խորհրդակցության ժամանակ հայտարարել է Նիկոլ Փաշինյանը՝ խոսելով Մեղրիի միջադեպի մասին:
«Չի կարելի թույլ տալ, որ մարդկանց փոքր խմբակը տպավորություն ստեղծի… Այսինքն, անկախ տպավորությունից, չի կարելի թույլ տալ, որ անպատժելիության մթնոլորտ գոյություն ունենա ՀՀ-ում: Պարոն Աբազյան, պարոն Ղազարյան, ես ակնկալում եմ, որ շատ կտրուկ ու հատուկ գործողություններով այս հարցը կլուծվի ու մեղավորները հանրության համար տեսանելի ձևով կկանչվեն պատասխանատվության»,-ասաց նա:
Փաշինյանը նաև հետաքրքրվեց ՔԿ-ի ներկայացուցչից, թե ինչ գործողություններ են արվել այս պահի դրությամբ:
Հայտնվեց նաև, որ քրեական գործ կա հարուցված:
«Գնացեք և զբաղվեք այդ հարցերով»,-ասաց Փաշինյանը՝ խոսքի վերջում դիմելով ԱԱԾ պետին ու ոստիկանապետին: