Կառավարական առանձնատան մոտ շարունակվում է 20:30-ին մեկնարկած ակցիան: Քաղաքացիները պատրաստվում են «ջերմ ընդունելություն» ցուցաբերել Սյունիքից վերադարձող Նիկոլ Փաշինյանին:
Այստեղ են նաև «ՎԵՏՕ» հասարակական-քաղաքական շարժման անդամները:
Շարժման նախաձեռնող խմբի անդամ Անի Հովհաննիսյանը ֆեյսբուքյան ուղիղ եթերում հայտարարեց, որ այսօր այն եզակի օրերից էր, երբ ինքը՝ որպես կին, նայում էր ու հասկանում, որ հայ տղամարդկանց մեջ արթնացել է այն տղամարդկությունը, ուժը, որին սպասում էին. «Այս թրքահպատակ կառավարությունը, իրականացրած քայլերն անընդունելի են հայի համար: Մենք չենք կարող ծնկաչոք ու Ալիևի կոշիկները լիզելով ապրել»:
Հովհաննիսյանը նաև զրուցեց այստեղ գտնվող կանանց, այդ թվում՝ շարժման անդամների հետ, ովքեր նշեցին, որ չեն վախենում բերման ենթարկվելուց, քրեական գործերից, ձերբակալվելուց:
