Այս պահի դրությամբ մեր կողմից Զինծառայողների ապահովագրության հիմնադրամ է ուղարկվել 3039 գործ: Խոսքը վերաբերում է զոհվածներին: Մեր տվյալներով, 2500 գոհերի մասով որոշում կա փոխհատուցում վճարելու մասին: Այս մասին խորհրդարանում 44-օրյա պատերազմի հետևանքով զինծառայողների սոցաջակցության ծրագրերի շուրջ քննարկման ժամանակ հայտարարեց գնդապետ Ալեքսանդր Ավետիսյանը:
Եվս 556 գործ վերաբերում է անհետ կորածներին: Այդ գործերը ևս գտնվում են հիմնադրամում:
Հիշեցնենք, որ մեկ շաբաթ առաջ խորհրդարանում Նիկոլ Փաշինյանը հայտարարեց, որ այդ օրվա դրությամբ մահվան վկայականներով հաստատված, ինքնությունները պարզված մենք ունենք 3621 զոհ:
