ՀՀ ԱԽ քարտուղար Արմեն Գրիգորյանը վստահ է, որ Օնիկ Գասպարյանի վերաբերյալ իրենց հրապարակած նյութերը բավարար են, որպեսզի հանրությունն իրեն հուզող հարցերի պատասխանը ստանա: Նրա խոսքերով, միայն մի փոքր խմբակ կարող են պնդել, որ հարցերի պատասխանները չեն տրվել. «Ես խորհուրդ եմ տալիս, որ մեր հրապարակումները երբեք առանձին չկարդան: Պետք է բացել Օնիկ Գասպարյանի նոյեմբերի 17-ի հայտարարությունը, բոլոր տողերը կարդալ, հետո բացել մեր գաղտնազերծած հատվածները: Երբ ասում է, որ հունիսի 8-ին նշանակվելուց մի քանի օր հետո ԱԽ-ին է ներկայացրել ռազմաքաղաքական տարածաշրջանային իրավիճակը, բացում ենք ԱԽ նիստի օրակարգը, տեսնում ենք, որ Օնիկ Գասպարյանը զեկույց չունի: Այդտեղ հասկանում ենք, որ սուտ է ասում»:
«Անցնում ենք մյուս հարցին, երբ ասում է, որ պատերազմը պետք է կանգնեցնել: Դուք հասկանում եք չէ՞, գեներալը, ով 2-3 օր հետո առաջարկում է կանգնեցնել պատերազմը չի կարող ասել, որ Ջաբրայիլում հաջողություններ ունենք: Չի կարող ասել, որ թշնամին որևէ առաջընթաց չունի: Որևէն ես կարող եմ հասկանալ, որ դիրք չեն գրավել: Ոնց կարող է Օնիկ Գասպարյանը իր տեքստում ասի՝ կանգնեցրեք 2-3 օրում, որը սուտ է, իսկ զեկույցում ասի, որ թշնամին որևէ առաջընթաց չի ունեցել, ասի, որ բանակն իր խնդիրները կատարում է ու շարունակելու է կատարել: Մեր հրապարակած տեքստը բավարար էր, որպեսզի հանրությունը հասկանա, թե ինչ է տեղի ունեցել: Եթե մենք ամբողջ տեքստն էլ հրապարակենք, կարող ա այդ խմբակը պահանջի, որ վիդեո հրապարակենք, թե ով ինչքան ջուր է խմել: Հրապարակված մասը բավարար է հստակեցումների համար»,-հավելեց նա:
