Հասարակություն 

12,000 կգ աղբ և 70 կգ վերամշակման ենթակա թափոն՝ ափամերձ տարածքներից

analitik.am

 

ՀՀ Շրջակա միջավայրի նախարար Ռոմանոս Պետրոսյանը գրել է․

«Գետերի ափամերձ տարածքների վերականգնում Հայաստանում» ծրագրի շրջանակներում Գեղարքունիքի մարզում սկսվել են Սևանա լիճ թափվող գետերի ափամերձ տարածքների մաքրման աշխատանքները:

Ծրագրի նպատակն է մեղմել ՔՈՎԻԴ-19-ի սոցիալ-տնտեսական հետևանքները՝ համատեղելով բնապահպանական միջոցառումները ժամանակավոր եկամուտ ստանալու հնարավորության հետ: Ապրիլի 29-ից մայիսի 3-ը Ծակքար և Լիճք համայնքների բնակիչների կողմից իրականացվեցին Ծակքար և Լիճք գետերի մաքրման աշխատանքներ, որի արդյունքում հավաքվել է ավելի քան 12,000 կգ աղբ և 70 կգ վերամշակման ենթակա թափոն:

Ծրագիրը տրամադրում է ժամանակավոր աշխատանք և աշխատանքի դիմաց եկամուտ այն մարդկանց, ովքեր տուժել են համավարակի սոցիալ-տնտեսական հետևանքներից՝ նպաստելով Սևանա լճի և Սևանա լիճ թափվող գետերի էկոհամակարգերի վերականգնմանը:

Աշխատանքներն համակարգում են ՀՀ շրջակա միջավայրի նախարարությունը, ՀՀ տարածքային կառավարման և ենթակառուցվածքների նախարարությունը և Գերմանիայի միջազգային համագործակցության ընկերությունը (ԳՄՀԸ):

Ծրագրին աջակցող տեղական գործընկերներն են «Էյ Թի Փի» բարեգործական հիմնադրամը, «Այ Էս Էս Դի» Համայնքների կայուն զարգացման նորարարական լուծումներ» (ISSD) և «Բլեջան» բնապահպանական, սոցիալական, բիզնեսի աջակցության հասարակական կազմակերպությունները»:

 

  •  
  •  
  •  
  • 2
  •  
  •  
  •  
  •  
  •  
    2
    Shares

Նույն շարքից