Ուկրաինայի նախագահ Վլադիմիր Զելենսկին հերթական անգամ Ուկրաինա է հրավիրել ԱՄՆ նախագահ Ջո Բայդենին: Այս մասին նա հայտարարել է ԱՄՆ պետքարտուղար Էնթոնի Բլինկենի հետ հանդիպումից հետո:
«Ես ԱՄՆ նախագահին հրավիրեցի այս տարի պաշտոնական այցով ժամանել Ուկրաինա՝ մեր անկախության 30-ամյակի կապակցությամբ»,-ասել է Զելենսկին:
Ուկրաինայի նախագահն այս հանդիպումը կարևոր է համարել երկու երկրների համար և հույս հայտնել, որ այն կկայանա: Իր հերթին Բլինկենն ընդունել է հրավերը և խոստացել փոխանցել այն ԱՄՆ նախագահին:
«Մենք կգտնենք համապատասխան ժամանակ, երբ կկարողանանք գալ Ուկրաինա և ժամանակ անցկացնել այստեղ»,-ասել է ամերիկացի դիվանագետը: