Վաղ առավոտից հետևում ենք Սյունիքում տեղի ունեցող գործընթացներին. բոլոր հարցերն իմ անմիջական ուշադրության ներքո են։ Ես առավոտյան անմիջապես խոսել եմ առաջին բանակային կորպուսի հրամանատարի, այնուհետև նաև Գորիս, Կապան, Տեղ և Սյունիքի սահմանամերձ այլ համայնքների ՏԻՄ ղեկավարների հետ։ Բացի այդ, մեզ հետ կապի մեջ են նաև մեր քաղաքացիները, որոնցից նույնպես մենք տեղեկություններ ենք ստանում։ Իհարկե, հետևում ենք նաև, թե ինչ է կատարվում լրատվական դաշտում և սոցիալական ցանցերում։ Այս մասին ասել է Արման Թաթոյանը։
