Քաղաքականություն 

Ով է մեղավոր ու համար մեկ պատասխանատուն Հայաստանի սահմաններում տեղի ունեցող իրադարձությունների համար. «Ժողովուրդ»

analitik.am

 

 

«Ժողովուրդ» թերթը գրում է. «Հայաստանի սահմաններին մայիսի 12-ից տիրող իրավիճակը գալիս է ապացուցելու, որ Զինված ուժերը չեն կարողացել կատարել Սահմանադրությամբ ամրագրված իրենց պարտականությունները ու դրա թիվ 1 պատասխանատուն ՀՀ զինված ուժերի գլխավոր շտաբի պետ Արտակ Դավթյանն է:

Բանն այն է, որ Սահմանադրության 14-րդ հոդվածում հստակ ասվում է. «Հոդված 14. Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը»: Ինչպես հայտնի է, այս պահի դրությամբ Սյունիքի և Հայաստանի կողմից Հայաստանի սահմանների անձեռնմխելիությունը ըստ էության խախտվել է, քանի որ, պաշտոնական տեղեկությունների համաձայն, Սյունիքի կողմից հակառակորդն առաջ է եկել 3.5 կմ (վարչապետի պաշտոնակատար Նիկոլ Փաշինյանի խոսքով), իսկ Գեղարքունիքի մարզի կողմից՝ 2 կմ (մարզպետ Գնել Սանոսյանի խոսքով):

Սակայն Սահմանադրությամբ էլ հենց ամրագրված է, որ Զինված ուժերը պետք է պահպանի մեր սահմանների անձեռնմխելիությունը, սակայն չի կարողացել: Իսկ ո՞ւր է այս օրերին գլխավոր շտաբի պետ Արտակ Դավթյանը, ինչո՞վ է զբաղված եղել, և ինչո՞ւ առաջնագիծն այնքան պաշտպանված չի եղել, որ կարողանանք դիմագրավել այսպիսի խախտումներին և պահպանել սահմանները:

Ստացվում է՝ անհրաժեշտ աշխատանքները չեն կատարվել, և այսօր հայկական կողմը դիմում է ՀԱՊԿ-ին, խնդրում կատարել կառույցի՝ պայմանագրի շրջանակում ստանձնած պարտավորությունները»։

Մանրամասն՝ թերթի այսօրվա համարում

 

  •  
  •  
  •  
  • 3
  •  
  • 1
  •  
  •  
  •  
    4
    Shares

Նույն շարքից