Հասարակություն 

Ադրբեջանցիները, Վերիշեն գյուղին մոտենալիս, սկզբում հանդիպել են տեղացի հովվի, որին հորդորել են ետ գնալ. News.am

analitik.am

 

ՀՀ մարդու իրավունքների պաշտպանը հայտնել էր, որ ադրբեջանցիները Սյունիքի մարզի Վերիշեն գյուղին մոտենալիս սկզբում հանդիպել են տեղացի հովվի, որին հորդորել են ետ գնալ։

NEWS.am-ը զրուցել է հովիվ Վաչագան Առստամյանի կնոջ՝ տիկին Սիլվայի հետ, որը պատմել է, թե ինչպես է դեպքը տեղի ունեցել։

Կնոջ խոսքով՝ ամուսինն ամեն օր անասուններին հավաքում ու բարձրանում է սարը, հակառակորդին էլ չի տեսել այդքան ժամանակ.

«Այդ արոտավայրն էլ հեռու չի գյուղից, գյուղին հարակից տարածք է։ Մի խումբ զինվորականներ էին կանգնել արոտավայրի մեջտեղում։ Ամուսինս մտածեց, թե հայ զինվորականներն են։ Նրանք մոտեցան ամուսնուս, մեկն ասաց՝  սելեմ, ամուսինս մտածեց՝ կատակ են անում, ձեռքով կանչում էին, ասում էին՝ արի այստեղ։ Ամուսինս արդեն հասկացավ, որ թշնամին է, վախեցավ, իջավ ներքև, զանգեց բոլորին հայտնեց, ու արդեն իմացան, որ արդեն գյուղի տարածքում են»։

Տիկին Սիլվան պատմել է, որ մի քանի օր է՝ անասունները չեն տանում արոտավայր. «Բոլորս էլ վախենում ենք, տեսնենք՝ ինչ կլինի։ Շատ մոտ են գյուղին, մեր արոտավայրերում են, դրանք էլ մեր գյուղին կպած են։ Եթե Աստված չանի, այդ տարածքները մնաց իրենց, մենք արոտավայրից զրկվում ենք։ Արդեն չգիտենք՝ անասուններին որտեղ տանենք, էլ չենք բարձրացնում սար։ Այսքան ժամանակ խնդիր չէր եղել այսքան ժամանակ, որ հանդիպել է իրենց, շոկի մեջ է ընկել, չէր  պատկերացնում, որ այդքան մոտ կլինեն»։

Ըստ Պաշտպանության նախարարության՝ մայիսի 12-ին և 13-ին «սահմանների ճշգրտման» պատրվակով ադրբեջանական ԶՈւ կողմից Հայաստանի Հանրապետության Սյունիքի և Գեղարքունիքի մարզերի սահմանային որոշ հատվածների հանդեպ իրականացված ոտնձգություններից հետո ստեղծված իրադրությունը դեռևս չի փոփոխվել:

Հայկական կողմը ադրբեջանական զինվորականներին ներկայացրել է իր հստակ պահանջը` առանց որևէ նախապայմանի ելման դիրքեր վերադառնալու վերաբերյալ:

Խնդիրը խաղաղ հանգուցալուծելու նպատակով դեռևս մայիսի 12-ից սկսված բանակցությունները կշարունակվեն վաղը:

 

  •  
  •  
  •  
  • 2
  •  
  • 1
  •  
  •  
  •  
    3
    Shares

Նույն շարքից