Հասարակություն 

ԿԳՄՍ նախարարությունը՝ ԵՊՀ սև շենքի օտարման վերաբերյալ

analitik.am

Ժամեր առաջ համացանցում տեղեկություն հայտնվեց այն մասին, որ քննարկման փուլում է ԵՊՀ-ի մի հատվածի օտարման հարցը:

Պետական գույքի կառավարման կոմիտեի գրության մեջ մասնավորապես գրված է, որ Աբովյան 52 (ԵՊՀ սև շենք) հասցեում գտնվող գույքը հանդիսանում է պետական սեփականությունը և անհատույց օգտագործման իրավունքով տրամադրված է «Երևանի պետական համալսարան» հիմնադրամին, սակայն ներկայումս քննարկվում է ներդրումային ծրագրի համաձայն՝ նշված գույքը ձեռք բերելու կոնկրետ առաջարկ:

Այս մասին «Քաղաքացու իրավունքների պաշտպան» ՀԿ նախագահ Կարեն Հեքիմյանը գրել է իր ֆեյսբուքյան էջում:

«Մի քանի օր առաջ տեղեկություն էի ստացել, որ օրվա իշխանությունները պատրաստվում են օտարել (վաճառել) ԵՊՀ-ի որոշ հատվածը: Ըստ նույն աղբյուրների, օտարված (վաճառված) տարածքում գնորդը պատրաստվում է հյուրանոց կառուցել: Դե ինչ: Եթե սրանք մի բան են քննարկում, ուրեմն անպայման վաճառելու են: Չեն կարող չվաճառել: Այսպիսին է այս իշխանությունը: Եթե 187 գյուղի, 6 քաղաքի կորուստը մարսեցին, ապա ԵՊՀ-ի մի հատվածի վաճառքն ի՞նչ է, որ չմարսեն»,- գրել է իրավապաշտպանը:

ՀՀ կրթության, գիտության, մշակույթի և սպորտի նախարարությունից 168.am-ը  հետաքրքրվել է՝ տեղյա՞կ են այս ծրագրերից ու ինչպիսի՞ դիրքորոշում ունեն, ԿԳՄՍ մամլո խոսնակ Գեղամ Մելիքբեկյանը պատասխանեց.

«ԵՊՀ սև շենքը չի վաճառվում և չի օտարվում: Խնդրում ենք նախ ճշտել լուրերի իսկությունը և նոր հրապարակել դրանք»:

Հավելենք, որ մեր տեղեկություններով՝ խոսքն այլ գույքի մասին է:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից