Չինական մարսագնացը սելֆիներ է արել Կարմիր մոլորակի վրա: Այս մասին հայտնում է Չինաստանի տիեզերական ազգային վարչությունը:
Լուսանկարներն արվել են Ուտոպիա հարթավայրի տարածքում, որը գտնվում է Կարմիր մոլորակի հյուսիսային կիսագնդում:
Սկզբում մարսագնացը մի քանի լուսանկարներ է արել շրջապատող լանդշաֆտներից, որտեղից պարզ երևում են խառնարանները: Հետո այն տեղաշարժվել է վայրէջքի վայրից 10 մետր հարավ, տեղադրել տեսախցիկը, վերադարձել մեկնարկային դիրք և լուսանկարել ինքն իրեն: