Մենք կբարձրացնենք անձնակազմի մարտունակությունն ու կազմակերպվածությունը, կամրապնդենք կարգապահությունն ու սահմանները մեկ տարվա ընթացքում: Այդ մասին հունիսի 13-ին Տավուշի մարզի Իջևան քաղաքում նախընտրական քարոզարշավի հանրահավաքի ընթացքում հայտարարել է երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը:
Նա հավելել է, որ տեխնիկայի կորուստների վերականգնման համար անհրաժեշտ կլինի երեք տարի:
«Մեր թիմում կան մարդիկ, որոնցից ավելի լավ ոչ մեկը չի ճանաչում հայկական բանակը: Մենք 1992 թվականի օգոստոսին երկու ամսում անցում ենք կատարել կամավորական ջոկատներից դեպի կանոնավոր բանակ: Դա էլ դարձել էր մեր հաջողության գրավականը»,-նշել է Ռոբերտ Քոչարյանը:
Երկրորդ նախագահը պարզաբանել է, որ ներկայիս իշխանությունները պատերազմի ժամանակ արել են հակառակը, ինչն էլ դարձել է մեր պարտության պատճառներից մեկը:
