ԱՄՆ նախկին նախագահ Դոնալդ Թրամփը Սպիտակ տան ղեկավարի պաշտոնը թողնելուց հետո հունիսի 26-ին կանցկացնի առաջին խոշոր հանրահավաքը: Այս մասին հայտնի է դարձել քաղաքական գործչի հայտարարությունից:
«ԱՄՆ 45-րդ նախագահ Դոնալդ Թրամփը շաբաթ օրը՝ հունիսի 26-ին, մեծ ցույց կանցկացնի Օհայո նահանգի Վելինգթոն քաղաքում»,-ասված է հայտարարության մեջ:
Թրամփը Fox News-ին տված հարցազրույցում պարծեցել է «աննախադեպ հայտնիությամբ»․ «Եթե թվերին նայեք, մարդիկ հիմա ինձ ավելի շատ են սիրում, քան երբևէ»,-ասել է ԱՄՆ նախկին նախագահը:
Քաղաքական գործիչը կոնկրետ տվյալներ չի հայտնել: Նա չի հայտարարել նաև 2024 թվականին ընտրություններին իր առաջադրման մասին:
