Այս պահի դրությամբ պատերազմի զոհերի թիվը 3705 է, անհետ կորած է 268 մարդ, ունենք հաստատված 60 գերի և ունենք վարկած ևս 110 հոգու գերեվարված լինելու վերաբերյալ: Երեկ Հանրային հեռուստաընկերության եթերում հայտարարեց վարչապետի պաշտոնակատար Նիկոլ Փաշինյանը:
Ամեն ինչ հասկանալի կլիներ, եթե նույն օրը նույն Նիկոլ Փաշինյանի օգնական Նաիրի Սարգսյանն անհետ կորածների վերաբերյալ այլ թիվ չհրապարակեր: Երեկ կառավարությունում Սարգսյանը լրագրողների հետ զրույցում ասել էր, որ այս պահին մեր անհետ կորածների թիվը 275 է: