Արցախում ռազմական գործողությունների ընթացքում զոհված և մինչև այժմ անհետ կորած համարվող զինծառայողների (կամավորներ և պահեստազորայիններ) աճյունների որոնողական աշխատանքները հունիսի 18-ին փրկարարական մեկ ջոկատով շարունակվում են Հադրութի շրջանում:
«Արմենպրես»-ի հետ զրույցում՝ այս մասին հայտնել են ԱՀ ՆԳՆ Արտակարգ իրավիճակների պետական ծառայությունից:
«Արդյունքների մասին մենք հավելյալ տեղեկություն կտրամադրենք։ Զինադադարից հետո մինչ օրս Ադրբեջանի վերահսկողության տակ անցած տարածքներից հայտնաբերվել է 1579 աճյուն, որից 3-ը` երեկ՝ հունիսի 17-ին»,- նշում են ԱԻՊԾ-ից։
