Տաջիկստանի հետ սահմանին տեղի ունեցած փոխհրաձգության արդյունքում ղրղզ զինծառայող է զոհվել: Այս մասին հայտնում է Ղրղզստանի ազգային անվտանգության պետական կոմիտեի սահմանային ծառայության մամուլի ծառայությունը:
«Ղրղզստանի սահմանապահ ջոկատի վրա տաջիկ սահմանապահների զինված հարձակման արդյունքում զոհվել է Ազգային անվտանգության պետական կոմիտեի սահմանապահ ծառայության զինծառայող, 1994 թվականին ծնված սերժանտ»,-ասված է հաղորդագրության մեջ:
Զինծառայողի մահվան հանգամանքները պարզվում են: Հաղորդվում է, որ տաջիկական կողմից ևս զոհեր և վիրավորներ կան: