Պատերազմ Բելառուսի տարածքում կարող է սկսվել երկրում քաոս ստեղծելու փորձի արդյունքում: Այս մասին հայտարարել է Բելառուսի նախագահ Ալեքսանդր Լուկաշենկոն՝ ռազմական համալսարանների շրջանավարտների հետ հանդիպմանը:
«Տեսականորեն, մենք պատերազմի չենք պատրաստվում այնպես, ինչպես նախկինում. Դուք հիանալի հասկանում եք, որ պատերազմը, ամենայն հավանականությամբ, չի սկսվի դրսից ագրեսիայով, այն կսկսվի ներսից, կսկսվի մեր ժողովրդի մտքի ոչնչացումից»,-ընդգծել է Բելառուսի ղեկավարը:
«Նախ՝ արևմտյան երկրները քաոս կտարածեն հանրապետությունում, և միայն այդ դեպքում, անհրաժեշտության դեպքում, իրենց զորքերը կտեղակայեն»,-շեշտել է Լուկաշենկոն:
Ըստ նրա, այս առումով Բելառուսի անվտանգության ամենահուսալի երաշխավորը լավ պատրաստված սպայական կազմն է․ «Սա է մեր ազգային անվտանգության հայեցակարգի էությունը»,-հավելել է նա:
