Պաղեստինի նախագահ Մահմուդ Աբասը Թուրքիայի նախագահ Ռեջեփ Թայիփ Էրդողանի հրավերով հուլիսի 9-11-ը կայցելի Անկարա: Այս մասին հաղորդագրություն է հրապարակել Թուրքիայի նախագահականի հանրային կապերի վարչությունը:
Նշվում է, որ Աբաս-Էրդողան հանդիպմանը կքննարկվեն երկկողմ հարաբերություններին առնչվող հարցեր, ինչպես նաև այն քայլերը, որոնք կարող են ձեռնարկվել Թուրքիայի և Պաղեստինի միջև համագործակցությունն ավելի խորացնելու համար:
Հանդիպմանը նաև կքննարկվեն Պաղեստինում հումանիտար իրավիճակն ու պաղեստինաիսրայելական հակամարտության վերջին զարգացումները:
Կողմերը մտքեր կփոխանակեն Պաղեստինում նախատեսվող ընտրությունների վերաբերյալ: