Հնագետները միջին բրոնզի դարաշրջանի արտեֆակտներով դամբարաններ են հայտնաբերել Արևելյան Վրաստանի Տետրիցկարո շրջանում (Քվեմո-Քարթլիի մարզ): Այս մասին Грузия онлайн կայքի փոխանցմամբ հայտնում է Վրաստանի ազգային թանգարանը:
Բլրի պեղման ժամանակ հայտնաբերվել են ոսկե և կերամիկայից իրեր: Մասնագետները դրանք թվագրում են մ.թ.ա. 21-20-րդ դարերին:
Բոլոր ցուցանմուշներն ուղարկվել են Թբիլիսիի Սիմոն Ջանաշիայի անվան Վրաստանի ազգային թանգարանի հնագիտական և ազգագրական նյութերի վերականգնման հետազոտական լաբորատորիա:
Ներկայումս այնտեղ նախնական ուսումնասիրություններ են ընթանում, սկսվել է փորձնական մշակումը: Գործընթացը ղեկավարում է լաբորատորիայի ղեկավար, դոկտոր Նինո Քեբուլաձեն:
