Ռուս նետաձիգ Սվետլանա Գոմբոևան ուշագնաց է եղել Տոկիոյի ամառային օլիմպիական խաղերի ժամանակ: Այս մասին հայտարարել է Ռուսաստանի նետաձգության ազգային հավաքականի մարզիչ Ստանիսլավ Պոպովը:
«Սվետլանա Գոմբոևան ընտրական փուլի ավարտից հետո կորցրել է գիտակցությունը և ընկել: Սվետլանային առաջինը մոտեցել են այլ թիմերի՝ Իտալիայի, Մեծ Բրիտանիայի և ԱՄՆ-ի բժիշկները: Ցուցաբերվել է առաջին բուժօգնություն, որից հետո տեղի բժիշկները տարել են նրան»,-ասել է Պոպովը: