Ռուսաստանում ակնկալում են «միջազգային մասնագիտացված կառույցներից» արձագանք՝ կապված Ուկրաինայի տարածքում սովետական հուշարձանների ոչնչացման հետ: Այս մասին հայտարարել է ՌԴ ԱԳՆ տեղեկատվության և մամուլի վարչության փոխտնօրեն Ալեքսանդր Բիկանտովը:
Ռուսաստանի արտաքին գործերի նախարարությունը դատապարտել է Ուկրաինայում հուշարձանների բարբարոսական ոչնչացումը և կոչ արել Կիևին կատարել դրանք պահպանելու և պաշտպանելու իր պարտավորությունները:
Այնտեղ հիշեցրել են երկրի ներքին օրենսդրությունը, ինչպես նաև 1941-1945 թվականների Մեծ հայրենական պատերազմում ԱՊՀ մասնակից պետությունների ժողովուրդների քաջության և հերոսության հիշատակը հավերժացնելու մասին միջազգային համաձայնագրի ստորագրումը:
«Հուսով ենք, որ միջազգային համապատասխան կառույցները չեն անտեսի և կարձագանքեն եվրոպական մայրցամաքի կենտրոնում նեոնացիզմի գաղափարախոսության վերածննդի ահռելի փաստերին և վտանգավոր միտումներին»,-եզրափակել է դիվանագետը: