Իրավական Տեսանյութեր 

Գողություններ հակակարկտային կայաններից /տեսանյութ/

analitik.am

 

Էջմիածինցի երիտասարդը դժվար թե հատուկ տրամադրվածություն ունենար Արագածոտնի մարզի Ոսկեհատ գյուղի բնակիչների նկատմամբ` փորձելով վտանգել նրանց բերքը: Սա, թերևս, այն դեպքերից է, երբ չնչին եկամուտ ստանալու նպատակով կատարված գողությունը կարող է դառնալ բազում վնասների պատճառ:
Աշտարակի քրեական հետախույզները օպերատիվ տվյալներ էին ստացել, որոնք իրացվեցին հուլիսի 26-ին: Էջմիածին քաղաքի Վազգեն Առաջինի փողոցի իր բնակարանից նրանք բերման ենթարկեցին 27-ամյա երիտասարդին:

Նա խոստովանեց, որ մարտ ամսին Ոսկեհատ համայնքի վարչական տարածքում տեղակայված հակակարկտային մի կայանից փորձել էր գողանալ մարտկոցը. դուռը բացել էր, բայց հանցագործությունն ավարտին չէր հասցրել ու դիմել էր փախուստի: Առաջին անհաջողությունը երիտասարդին չէր վհատեցրել:

Այդպես էլ չգիտակցելով արարքի հասարակական վտանգավորությունը` մի քանի օր անց կրկնել էր փորձը և այս անգամ` հաջող: Նույն բախտին էր արժանացրել նաև նույն համայնքի տարածքում տեղակայված հակակարկտային մեկ կայան ևս` հանել-տանելով մարտկոցը:

Ձեռնարկվում են միջոցառումներ՝ գողոնը հայտնաբերելու ուղղությամբ: Հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

  •  
  •  
  •  
  •  
  •  
  •  
  •  
  •  
  •  

Նույն շարքից