Հասարակություն 

Հայ ռազմագերիների հարազատներն ԱԺ-ի մոտ են, պահանջում են օրակարգ մտցնել գերիների վերադարձի հարցը

analitik.am

Ադրբեջանում պահվող հայ ռազմագերիների հարազատներն ԱԺ-ի մոտ են։ Լրագրողների հետ զրույցում հարազատներից մեկը հայտնեց, որ ԱԺ են եկել՝ գերիների վերադարձի հարցն օրակարգ մտցնելու համար։

«Մենք, իմանալով 8-րդ գումարման ԱԺ առաջին նիստի մասին՝ եկել ենք այստեղ, որ գերիների ծնողներով կոչ անենք օրակարգ մտցնել գերիների վերադարձի հարցը։ Իրենց ակտիվ աշխատանքի շնորհիվ հայ բոլոր ռազմագերիներին պետք է շտապ վերադարձնել Հայաստան։

Այս պահին երկրի կարևորագույն հարցերից են անվտանգությունն ու հայ ռազմագերիների վերադարձը հայրենիք»,- նշեց գերիների հարազատներից մեկը՝ հավելելով, որ ԱԺ-ին հորդորում են երկու-երեք անգամ ավելի աշխատանք կատարել ռազմագերիների հարցով։

Ինչ վերաբերում է 7-րդ գումարման ԱԺ-ին, ապա վերջինս նշեց, որ չի կարող ասել, որ խնդիրը նրանք լիարժեք են կատարել, բայց նաև չի կարող ասել, որ ընդհանրապես ոչինչ չեն արել։ Նրա խոսքով՝ պատգամավորներ են եղել, որ գիշեր և ցերեկ աշխատել են այս հարցով, եղել են պատգամավորներ, որոնք բոլորովին անտեղյակ են եղել։

  •  
  •  
  •  
  •  
  •  
  •  
  •  
  •  
  •  

Նույն շարքից