Կորոնավիրուս Հասարակություն 

Առողջապահության նախարարությունը շնորհակալություն է հայտնել Էմանուել Մակրոնին

analitik.am

ՀՀ առողջապահության նախարարությունն իր երախտագիտությունն է հայտնել Ֆրանսիայի նախագահին ու ՀՀ-ում Ֆրանսիայի դեսպանին՝ COVID-19 համավարակի դեմ պայքարում Հայաստանին աջակցելու համար:

«Մեր խորին երախտագիտությունն ենք հայտնում Ֆրանսիայի նախագահ Էմանուել Մակրոնին, Հայաստանում Ֆրանսիայի արտակարգ և լիազոր դեսպան Ջոնաթան Լաքոտին COVID-19 գլոբալ համավարակի դեմ պայքարում Հայաստանին աջակցելու համար:

Համավարակի հերթական ալիքին դիմակայելու նպատակով զանգվածային պատվաստումները կարևոր դեր ունեն մեր երկրի օրակարգում և առհասարակ` աշխարհում:

200 հազար դեղաչափ պատվաստանյութ Հայաստանին նվիրաբերելու Ֆրանսիայի կառավարության որոշումը վերստին վկայում է հայ-ֆրանսիական ամուր հարաբերությունների և այդ գործընթացում դեսպանների ներդրած ավանդի մասին:

Լիահույս ենք, որ համատեղ ջանքերով հնարավոր կլինի հաղթահարել համավարակը»,- ասված է նախարարության հայտարարության մեջ:

 

  •  
  •  
  •  
  •  
  •  
  •  
  •  
  •  
  •  

Նույն շարքից