Եթե չեն ընտրում, որ գնանք գործարքի, մենք գործարքի չենք գնալու: Այս մասին, այսօր՝օգոստոսի 5-ին, ԱԺ-ում լրագրողների հետ զրույցում նշեց «Հայաստան» խմբակցության պատգամավոր Իշխան Սաղաթելյանը՝ անդրադառնալով նրան, որ արդեն երկրորդ անգամ ինքը չի ընտրվում ԱԺ փոխխոսնակ:
«Իշխանությունն է փորձում ցույց տալ, որ ընդդիմության մեջ կա պառակտում:
Պարզապես թատրոն են սարքում խորհրդարանը: Ավելի արժանապատիվ է գնալ դեմ քվեարկել, քան բյուլետեններն անվավեր անել»,-ասաց նա:
Այն հարցին, թե հնարավո՞ր չէ լուսանկարել քվեաթերթիկները և ապացուցել, որ իրենք չեն դեմ քվեաթերթիկներն անվավեր դարձնում, Իշխան Սաղաթելյանն ասաց. «Մենք մեր վրա չենք կասկածում, որ նկարենք»: