«Մենք պարգևավճարների ֆոնդը սահմանել ենք 100 մլն դրամ, իսկ մնացած գումարը տեղափոխվել է աշխատավարձերի ծախսային մաս»,- Երևանի ավագանու նիստում օրակարգի հարցը ներկայացնելիս ասած քաղաքապետի տեղակալ Սերգեյ Ներսիսյանը։
Օրակարգի այդ հարցը վերաբերում է Երևան քաղաքի ավագանու 2020 թվականի դեկտեմբերի 23-ի N310-Ն որոշման մեջ փոփոխություններ կատարելուն։
Առաջարկվում է «Կառավարման մարմնի պահպանում» ծրագրում բյուջետային ծախսերի տնտեսագիտական դասակարգման «Աշխատողների աշխատավարձեր և հավելավճարներ» հոդվածը ավելացնել 832,074.8 հազ. դրամով, ինչպես նաև պահուստային ֆոնդի վարչական մասը համալրել 28,880.4 հազար դրամով՝ «Կառավարման մարմնի պահպանում» ծրագրի «Պարգևատրումներ, դրամական խրախուսումներ և հատուկ վճարներ» հոդվածը նվազեցնելով 860,955.2 հազար դրամով:
Քվեարկության՝ 37 կողմ, 0 դեմ, 0 ձեռնպահ արդյունքներով որոշումն ընդունվեց։
