Կորոնավիրուս Հասարակություն 

ՔՏՀԱ տեսչական մարմնի կողմից Աջափնյակ վարչական շրջանում, Գյումրի և Վանաձոր քաղաքներում արձանագրվել են խախտումներ

analitik.am

ՀՀ քաղաքաշինության, տեխնիկական և հրդեհային անվտանգության տեսչական մարմինի տրանպորտային անվտանգության, առողջապահական և աշխատանքի տեսչական մարմնի մասնագետները և ՀՀ ոստիկանության ծառայողները սեպտեմբերի 16-ին դիտարկել են Երևանի քաղաքի Աջափնյակ վարչական շրջանի, Շիրակի մարզի Գյումրի քաղաքի և Լոռու մարզի Վանաձոր քաղաքի կանոնավոր ուղևորափոխադրում կատարող տրանսպորտային միջոցները։ Այս մասին հաղորդում է ՀՀ քաղաքաշինության, տեխնիկական և հրդեհային անվտանգության տեսչական մարմինը:

Աջափնյակ վարչական շրջանում մշտադիտարկվել է 35 տրանսպորտային միջոց, որից 4-ի վերաբերյալ կազմվել է արձանագրություն։

Գյումրիում մշտադիտարկվել է թվով 30 ուղևորափոխադրող տրանսպորտային միջոց, որի արդյունքում հայտնաբերվել են թվով 7 տրանսպորտային միջոցներում ախտահանիչ հեղուկների բացակայության, ուղևորների ու վարորդների կողմից դիմակներ չկրելու դեպքեր։ Նշված բոլոր խախտումների հիմքով տրվել են պարտադիր կատարման ցուցումներ:

Վանաձոր քաղաքում մշտադիտարկվել է թվով 39 ուղևորափոխադրող տրանսպորտային միջոց, որից 39-ում էլ բացակայել են մանրադրամի համար նախատեսված արկղերը։ 2 տրանսպորտային միջոց երթևեկել է գերծանրաբեռնված, թվով 7 տրանսպորտային միջոցում եղել են առանց դիմակ ուղևորներ, ովքեր իջեցվել են, իսկ 5 տրանսպորտային միջոց նախազգուշացվել է ախտահանիչ հեղուկները թարմացնելու վերաբերյալ։

Հավելենք, որ Տեչական մարմինների կողմից վերահսկողական գործառույթները շարունակվելու են հանրապետության ողջ տարածքում։

  •  
  •  
  •  
  •  
  •  
  •  
  •  
  •  
  •  

Նույն շարքից