Միջազգային Քաղաքականություն 

ԱՄՆ-ն ֆինանսավորել է Ռուսաստանում ընտրությունների վարկաբեկումը. հայտարարություն Պետդումայում

analitik.am

Պետդումայի պատգամավոր Վասիլի Պիսկարյովը խոսել է Ռուսաստանում ընտրությունները վարկաբեկելու ԱՄՆ-ի հատուկ գործողության մասին: Նրա խոսքերը մեջբերում է «РИА Новости»-ն:

«ԱՄՆ Պետդեպարտամենտի հետ կապված օտարերկրյա գործակալին՝ «Գոլոս» շարժմանը ամերիկյան հասարակական կազմակերպությունները լրացուցիչ միջոցներ են հատկացրել Ռուսաստանի Դաշնությունում ընտրությունների արդյունքները վարկաբեկելու հատուկ գործողություն իրականացնելու համար»,- ասել է պատգամավորը:

Պիսկարյովը հավելել է, որ ամբողջ տեղեկատվությունը փոխանցվել է ԿԸՀ-ին:

Նրա խոսքով՝ քվեարկության արդյունքների հրապարակումից անմիջապես հետո զանգվածային քարոզարշավ է սկսվելու՝ ընտրությունները չճանաչելու և արդյունքները վիճարկելու համար:

Ավելի վաղ ԱԳՆ-ն խոստացել էր քայլեր ձեռնարկել Ռուսաստանի ընտրություններին ԱՄՆ-ի միջամտության ուղղությամբ:

Հիշեցնենք, որ Պետդումայի ընտրություններն անցկացվում են սեպտեմբերի 17-19-ը:

  •  
  •  
  •  
  •  
  •  
  •  
  •  
  •  
  •  

Նույն շարքից