Հասարակություն Միջազգային Քաղաքականություն 

Անգելա Մերկելը «հարձակման» է ենթարկվել թութակի կողմից

analitik.am

Գերմանիայի գործող կանցլեր Անգելա Մերկելն անսպասելի «հարձակման» է ենթարկվել Լորի տեսակի ագրեսիվ թութակի կողմից: Ինչպես փոխանցում է «ТАСС» գործակալությունը՝ հղում անելով մյունխենյան պարբերականին, միջադեպը տեղի է ունեցել ուրբաթ, երբ կառավարության ղեկավարն այցելել է Մարլոու քաղաքի թռչունների այգի:

Մերկելը սեպտեմբերի 26-ին կայանալիք Բունդեսթագի ընտրություններին ընդառաջ այց է կատարել իր նախկին ընտրատարածք: Շրջագայության ընթացքում կանցլերն այցելել է նաև թռչունների այգի, որտեղ ցանկացել է կերակրել կենտրոնի բնակիչներին:

Մերկելին կերով լի թղթե բաժակ են տվել թռչուններին կերակրելու համար: Լորիները սկսել են ուտել իրենց կերը Մերկելի ձեռքից: Թռչուններից մեկը նստել է կանցլերի գլխին, մյուսն էլ կտցահարել է նրա մատը: Աղբյուրի տվյալներով՝ թութակը բավականին ցավոտ է կծել:

Նույն շարքից