ՀՀ փոխվարչապետ Մհեր Գրիգորյանի գրասենյակից ոչ հաստատում, ոչ էլ հերքում են Ադրբեջանի նախագահ Իլհամ Ալիևի՝ հոկտեմբեր ամսին եռակողմ հանդիպման մասին հայտարարությունը։
NEWS.am-ին գրասենյակից ասել են, որ հանդիպման վերաբերյալ ամսաթիվ չկա.
«Չենք բացառում, բայց այս պահին հաջորդ հանդիպման վերաբերյալ պայմանավորված ամսաթիվ չկա»։
Հիշեցնենք, որ այսօր՝ սեպտեմբերի 27-ին, Ալիևը թուրքական «Anadolu» գործակալությանը տված հարցազրույցում ասել է, որ Հայաստանի, Ռուսաստանի ու Ադրբեջանի փոխվարչապետների մակարդակով աշխատանքային խմբի հաջորդ հանդիպումը կկայանա հոկտեմբերին։
