Ռուսաստանի պաշտպանության նախարարությունը հայտնում է, որ մարտական պատրաստության պլանային պարապմունքների շրջանակում ռուս խաղաղապահները Լեռնային Ղարաբաղում անցկացրել են համալիր վարժանք՝ հնարավոր խախտումների կանխման և «Հյուսիս» պատասխանատվության գոտու դիտակետերում անվտանգության ապահովման ուղղությամբ։ Մարզման ընթացքում անձնակազմը մշակել է սադրիչ գործողությունների կանխման և դիտակետերի վրա հարձակման հետ մղման խնդիրները։
Վարժանքի ժամանակ ազդանշան ստանալիս խաղաղապահները կարճ ժամանակում դուրս են եկել տեղակայման վայրից, պաշտպանական դիրք են գրավել նախապես սարքավորված վայրերում: Դիրքի պաշտպանությունն ուժեղացնելու համար գործի են դրվել զրահամեքենաներով հերթապահ ստորաբաժանումները։
«Առաջադրանքների իրականացման արդյունավետությունը մեծամասամբ կախված է զինծառայողների պրոֆեսիոնալիզմի մակարդակից։ Հոգեբանական պատրաստվածության միջոցառումներ են անցկացվում դիտակետերում և ուղղված են ուշադրության, գնահատականի ձևավորմանը և հոգեէմոցիոնալ վիճակի օպտիմալացմանը»,- ասել է խաղաղապահ զորախմբի ներկայացուցիչ Ալեքսեյ Ֆոմինը։
