Հոկտեմբերի 24-ին՝ ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա հոբելյանական համերգ՝ նվիրված հայ պարարվեստի մեծ երախտավոր, անվանի խորեոգրաֆ, Հայաստանի Հանրապետության ժողովրդական արտիստ Նորայր Մեհրաբյանի ծննդյան 80-ամյակին:
Համերգ-հանդիսությանը կմասնակցի Նորայր Մեհրաբյանի ստեղծած վաստակավոր կոլեկտիվ Հայաստանի պարարվեստի «Բարեկամություն» պետական համույթը:
Կներկայացվեն մաեստրոյի ինքնատիպ ձեռագրին հատուկ խորեոգրաֆիկ համարների կատարումներն ու կյանքի վավերագրումը, որոնք անդրադարձ են մի ամբողջ մշակութային ժամանակաշրջանի:
