ԱԺ «Հայաստան» դաշինք խմբակցության պատգամավոր Դավիթ Սեդրակյանը պատգամավորական մանդատից հրաժարվելու դիմում է ներկայացրել։
Այս մասին Tert.am-ի հետ զրույցում ասաց «Հայաստան» խմբակցության պատգամավոր Ագնեսա Խամոյանը՝ անդրադառնալով մամուլում շրջանառվող տեղեկություններին։
«Այո, այդ տեղեկությունները ճիշտ են։ Ինչ վերաբերում է մանդատը վայր դնելու դիմում ներկայացնելու պատճառներին, ապա պետք է նշեմ՝ անձնական պատճառով է»,- ասաց նա։
Հիշեցնենք, որ Դավիթ Սեդրակյանը ՀՀԿ-ական նախկին պատգամավոր Մհեր Սեդրակյանի որդին է։
