Եվրամիությունը նոր պատժամիջոցներ կսահմանի Բելառուսի իշխանությունների նկատմամբ՝ ներգաղթյալների հետ կապված իրավիճակի պատճառով, որոնց, Բրյուսելի պնդմամբ, Մինսկն անօրինական ճանապարհով ուղորդում է դեպի ԵՄ: Այս մասին հայտնում է ՏԱՍՍ գործակալությունը ՝ հղում անելով ԵՄ անդամ երկրների ղեկավարների գագաթնաժողովի ավարտին ընդունված հայտարարությանը:
«ԵՄ-ն կշարունակի դիմագրավել բելառուսական ռեժիմի շարունակական հիբրիդային հարձակմանը, մասնավորապես՝ հետագա պատժամիջոցներ սահմանելով ֆիզիկական և իրավաբանական անձանց դեմ»,- ասվում է հայտարարության մեջ:
Ինչպես նշվում է, Եվրամիությունը թույլ չի տա երրորդ երկրների՝ ներգաղթյալներին քաղաքական նպատակով օգտագործելու փորձերը: