Ռիգայում շարունակվում են շախմատի Grand Swiss տղամարդկանց և կանանց մրցաշարերը: Երեկ կայացել են 8-րդ տուրի պարտիաները:
Տղամարդկանց մրցաշարում մեր շախմատիստներից լավագույն արդյունքն ունեն Մանուէլ Պետրոսյանը և Գաբրիել Սարգսյանը՝ 5-ական միավոր, և 1,5 միավորով են զիջում մրցաշարի առաջատարին։ Երկու շախմատիստներն էլ այս տուրում ոչ-ոքի խաղացին։ Մրցաշարային աղյուսակը միանձնյա գլխավորում է Ֆրանսիան ներկայացնող իրանցի գրոսմայստեր Ալիրեզա Ֆիրուջան, ով իր ակտիվում ունի 6,5 միավոր։
Այս տուրում Սամվել Տեր-Սահակյանը, Հայկ Մարտիրոսյանը և Լևոն Արոնյանը ևս այս տուրում խաղաղ դաշն կնքեցին։
Հիշեցնենք, որ առաջին երկու տեղ գրաված շախմատիստները կնվաճեն աշխարհի չեմպիոնի հավակնորդների մրցաշարի ուղեգրեր։
