2022թ. Հայաստանի Հանրապետությունը պաշտպանելիս զինծառայողների կյանքին եւ առողջությանը հասցված վնասի փոխհատուցման համար եկող տարվա պետբյուջեի նախագծով կհատկացվի 34,7 մլրդ դրամ։ Այս մասին նոյեմբերի 5-ին խորհրդարանական մշտական հանձնաժողովների համատեղ նիստում, 2022թ. պետական բյուջեի նախագծի քննարկման ժամանակ, ասաց աշխատանքի եւ սոցիալական հարցերի նախարար Նարեկ Մկրտչյանը։
Գերատեսչությունն այս ուղղությամբ ընդհանուր կարիքների համար ներկայացրել էր 579,9 մլրդ դրամի հայտ, ինչը 2021թ. համեմատ 76,7 մլրդ դրամով ավելի է։
