Գիտնականները ստեղծել են հատուկ հիդրոգել՝ հետվիրահատական եւ այլ տեսակ կտրվածքային սպիերի վերացման համար։ Այս մասին հայտնում է Advanced Functional Materials-ը։
Որովայնի կամ կոնքային բաց վիրահատություն տարած հիվանդների 90 տոկոսի մոտ առաջանում են հետվիրատական կպումներ կամ սպիանման հյուսվածք։
Եթե վերջինս ձեւավորվել է ներքին օրգանների վրա, ապա, կախված այն բանից, թե որտեղ է այն գտնվում, կարող է առաջացնել խրոնիկ ցավ կամ աղիքային անանցանելիություն, որը կարող է նաեւ երբեմն հանգեցնել մահվան։ Այս խնդրի լուծման համար չինացի գիտնականները ստեղծել են ներարկումային հիդրոգել, որը կարող է խցանել վերքերը առանց հյուսվածքներին կպում առաջացնելու։
HAD անվանումը ստացած հիդրոգելը միայն մեկ կողմից է դրսեւորում կպչունություն։ Այն ներարկվում է վերքի շրջանում, որից հետո ուլտրամանուշակագույն լույսով մշակվում է այն հատվածում, որը չի հպվում վերքին։
Կարմիր ճագարների վրա իրականացրած փորձարկումներում այս հիդրոգելը ցույց է տվել իր պիտանելիությունը, նվազեցնելով կենդանիների մահացությունը վիրահատական միջամտությունից հետո։