ԱՄՆ նախագահ Ջո Բայդենը ստորագրել է «Լենդ լիզ» ծրագրի շրջանակում Ուկրաինային զենք մատակարարելու մասին օրենքը։ Այս մասին հայտարարել է Սպիտակ տան մամուլի քարտուղարի օգնական Անջելա Պերեսը:
Ուկրաինայի համար «Լենդ լիզի մասին» օրենքը պետք է պարզեցնի երկրին ռազմական օգնության տրամադրումը: Որոշումն արդեն հավանության է արժանացել Կոնգրեսի երկու պալատների կողմից: Հիշեցնենք, որ օրինագիծը ներկայացրել էր Տեխասի սենատոր Ջոն Քորնինը դեռ հունվարին։
Օրինագծի տեքստում ասվում է, որ դա արվում է, որպեսզի ուժեղացվի նշված երկրների պաշտպանությունը և պաշտպանի քաղաքացիական հասարակությանը ՌԴ-ի հնարավոր ներխուժումներից կամ շարունակական ագրեսիայից։
«Լենդ լիզի» պրակտիկան լայնորեն հայտնի է դարձել Երկրորդ համաշխարհային պատերազմի ժամանակ, երբ Միացյալ Նահանգները, մասամբ փոխադարձ հիմունքներով, զենք և ռազմավարական նյութեր սկսեց մատակարարել հակահիտլերյան կոալիցիայի դաշնակիցներին, ներառյալ Խորհրդային Միությանը:
