Շվեյցարիայում անցկացված հանրաքվեի արդյունքներով քաղաքացիները հավանություն են տվել օրենդրական փոփոխությանը, որի համաձայն երկրի բոլոր քաղաքացիներն այսուհետ համարվում են օրգանների փոխպատվաստման համար պոտենցիալ դոնորներ: Այս մասին հայտնում է ՏԱՍՍ-ը:
Դոնորության վերաբերյալ նոր օրենսդրական փոփոխության համաձայն, մահից անմիջապես հետո կարող են մարդու օրգաններն օգտագործել փոխպատվաստման նպատակով: Դա այսուհետ Շվեյցարիայում համարվելու է օրինական, եթե մարդը կենդանության օրոք բացահայտ չի արգելել դա անել: Նախկինում կարելի էր մահացած մարդու օրգաններն օգտագործել փոխպատվաստման համար միայն այն դեպքում, եթե նա կենդանության օրոք համաձայնություն էր տվել:
