ԱՄՆ-ն պատրաստվում է 500 միլիոն դոլարի ռազմական օգնություն տրամադրել Հնդկաստանին. Bloomberg

Ըստ ԶԼՄ-ի աղբյուրի, Վաշինգտոնը պլանավորում է  500 միլիոն դոլարի ռազմական օգնություն տրամադրել Հնդկաստանին՝ արտասահմանյան երկրներին ռազմական օգնություն տրամադրելու ծրագրի շրջանակներում  FMF (Foreign Military Financing): Այս ծրագրի իրականացման դեպքում Հնդկաստանը կդառնա այս ծրագրով ամենախոշոր օգնությունը ստացած երկրներից մեկը՝ Եգիպտոսից և Իսրայելից հետո: Այս պահի դրությամբ հայտնի չէ, թե երբ է տրամադրվելու օգնությունը և ինչ ռազմատեխնիկա է ընդգրկված լինելու փաթեթում:

Նշվում է, որ ԱՄՆ-ն հույս ունի հուսալի գործընկեր դառնալ Հնսկաստանի համար և թուլացնել Հնդկաստանի կախվածությունը ռուսական ռազմամթերքից:

Նշենք, որ ապրիլի 19-ին էլ ՌԴ ԱԳ նախարար Սերգեյ Լավրովը հարցազրույցում նշել էր, որ ՌԴ-ն կարող է ապահովել Հնդկաստանին պաշտպանության ոլորտում այն ամենով, ինչ ցանկանում է Հնդկաստանը: Լավրովը նաև ընդգծել էր, որ հնդկական կողմից պաշտպանողական համագործակցության տեխնոլոգիաների ծավալն աննախադեպ է՝ համեմատած Հնդկաստանի այլ գործընկերների հետ: