Եվրամիության ղեկավարները քննարկում են իսրայելական գազը Եգիպտոսով ԵՄ ներմուծելու հարցը: Այս մասին հայտնում է Bloomberg-ը:
Նշվում է, որ ԵՄ-ն, Իսրայելը և Եգիպտոսը կարող են նաև պայմանավորվածություն ձեռք բերել էկոլոգիապես մաքուր էներգիայի ոլորտում:
Bloomberg-ը հիշեցնում է, որ ԵՄ-ն ցանկանում է հնարավորինս թուլացնել կախումը ռուսական էներգակիրներից՝ այս պահի դրությամբ ԵՄ ներմուծվող գազի 40%-ը բերվում է Ռուսաստանից:
Նշվում է նաև, որ համաձայնագրի կնքման համար անհրաժեշտ է ԵՄ անդամ բոլոր երկրների համաձայնությունը: Bloomberg-ը փորձել է ճշտել տեղեկաությունը Եվրահանձնաժողովից, սակայն հրաժարվել են որևէ մեկնաբանություն տալ:
Այս պահի դրությամբ իսրայելական գազն օգտագործվում է ներքին սպառման համար, ինչպես նաև արտահանվում է Եգիպտոս և Հորդանան:
