Գերմանիայի Բունդեսթագը ուրբաթ՝ հուլիսի 8-ին, ընդունել է օրինագիծը, որը թույլ է տալիս վավերացնել Ֆինլանդիայի և Շվեդիայի միացումը Հյուսիսատլանտյան դաշինքին, գրում է iz.ru-ն։
Հուլիսի 6-ին Էստոնիայի խորհրդարանը վավերացրել է Հելսինկիի և Ստոկհոլմի՝ ՆԱՏՕ-ին միանալու մասին համաձայնագիրը։ Նախօրեին Կանադան ստորագրել է հյուսիսային հանրապետությունների դաշինքին միանալու արձանագրությունները։
Հուլիսի 5-ին ՆԱՏՕ-ի գլխավոր քարտուղար Ենս Ստոլտենբերգը դաշինքին կոչ է արել արագացնել Ֆինլանդիայի և Շվեդիայի՝ ՆԱՏՕ-ին անդամակցելու արձանագրության վավերացման գործընթացը՝ ապահովելու համար նրանց վաղաժամ մուտքը ռազմաքաղաքական դաշինք։ Նույն օրը Ֆինլանդիայի և Շվեդիայի արտաքին գործերի նախարարներ Պեկկա Հաավիստոն և Անն Լինդը, ինչպես նաև դաշինքի անդամ 30 երկրների դեսպանները ստորագրել են ՆԱՏՕ նոր պետությունների մուտքի մասին արձանագրությունները։
