Մոլդովայի խորհրդարանի նախագահ Իգոր Գրոսուն հայտարարել է, որ խորհրդարանը հուլիսի 28-ի նիստում հավանություն է տվել արտակարգ դրությունը 60 օրով երկարաձգելու նախագծին: Այս մասին հաղորդում է «ՌԻԱ Նովոստի»-ն։
Մոլդովայի իշխանություններն արտակարգ դրություն են մտցրել փետրվարի 24-ին՝ Ուկրաինայում ստեղծված իրավիճակի պատճառով։ Այսպիսով` արտակարգ դրությունը կերկարաձգվի օգոստոսի 8-ից:
Խորհրդարանի նախագահը հայտնել է, որ երկարաձգելու որոշման նախագծին հավանություն է տվել 52 պատգամավոր։